Mironshox Jafarov navbatdagi jangini qozog'istonlik tajribali raqibiga qarshi o'tkazadi

Liga matbuot xizmatining xabar berishicha, 23 dekabr kuni Olma-Ota shahrida o'tkaziladigan musobaqa doirasida o'zbekistonlik aralash yakka kurash ustasi Mironshox Jafarov (5-1-0) Qozog'iston vakili Karim Ruzbakiev (9-2-0) bilan jang qiladi.

Bu Mironshox uchun bir yillik tanaffusdan keyingi ilk jang bo'ladi. U oxirgi jangini o'tgan yilning may oyida rossiyalik Xamzat CHapanovga qarshi o'tkazib, muddatidan oldin mag'lub bo'lgan edi.

Karim Ruzbakiev esa so'nggi jangini joriy yilning may oyida Daniyal Elbaevga qarshi o'tkazib, muddatidan oldin mag'lubiyatga uchragan.