Monte-Karlo "Masters". Xolger Rune ikkinchi finalchi!

Daniyalik tennis ustasi 2 soatu 46 daqiqa davom etgan 1/2 final uchrashuvida ATP reytingida o'zidan bir pog'ona yuqorida borayotgan italiyalik Yannik Sinnerani mag'lubiyatga uchratdi - 1/6, 7/5, 7/5.

Rune tennischilarning o'zaro ikkinchi uchrashuvida ham g'alaba qozondi. Xolger 4 ta eys, 5 ta qo'shxato, 3 ta breykni amalga oshirdi. Daniyalik faoliyatida ikkinchi bor "Masters" turnirlari finalida o'ynaydi. O'tgan yili u Parij "Masters" turnirida bosh sovrinni qo'lga kiritgandi. Bugun u rossiyalik Andrey Rublyovga qarshi kortga chiqadi.