MOQ qoshida Jang sanati va yakkakurashlar departamenti tashkil etiladi

Hozirda noolimpiya sport turlarida ko'plab mustaqil federaciyalar faoliyat yuritmoqda. Masalan, taekvondo ITFning o'zida to'rtta mustaqil federaciya ish olib bormoqda. 

Karateda esa beshta federaciya ana shunday faoliyatni yo'lga qo'ygan. Bu departamentni tashkil etishdan ko'zlangan asosiy maqsad ishlarni muvofiqlashtirish, hamkorlikda ishlash tizimini yaratish, o'zboshimchalikka yo'l qo'ymaslik bo'lib, eng avvalo olimpiya sport turlari uchun munosib zaxira, iqtidorli sportchilarni etishtirib berish hisoblanadi. 

Kecha kunning ikkinchi yarmida milliy olimpiya qo'mitasida mazkur departament tashkil etilishiga bag'ishlangan yig'ilish bo'lib o'tdi. Departamentga Sardor Toshxo'jaev direktor etib tayinlandi. 

Yig'ilishda MOQ Prezidenti Umid Ahmadjonov, Jismoniy tarbiya va sport vaziri SHoakram Isroilov va yangi departament direktori Sardor Toshxo'jaevlar mustaqil ravishda faoliyat yuritayotgan federaciya azolari bilan uchrashishdi. 

Departament qoshida alohida associaciyalar faoliyat yuritadi. Yani o'sha to'rtta taekvondo federaciyasi bitta associaciyaga birlashtiriladi. Karateda ham huddi shunday yo'l tutiladi. Yani, shotokan, vodoryu, godzuryu federaciyalari bitta yaxlit associaciya ko'rinishiga olib kelinadi. Aytib o'tganimizdek, ushbu associaciyalar olimpiya sport turlari uchun sportchi etishtirib berish bilan shug'ullanadi.