MOQ raisi o'rinbosari Olimpiadaga yo'l olayotgan dzyudochilar bilan uchrashdi + FOTOGALEREYA

Samimiy muloqot asnosida o'tgan uchrashuvda Olimpiya o'yinlarigacha bo'lgan mashaqqatli yo'l, tinimsiz mashg'ulotlar, musobaqalardagi ishtirok haqida so'z borib, endi mehnatning samarasini oladigan fursat etib kelgani alohida urg'ulandi. 

Dzyudochilarning o'zlari ham oldilarida qanday nufuzli musobaqa kutib turganini juda yaxshi his etishmoqda. Azizjon Kamilov Olimpiada licenziyasini qo'lga kiritgan har bir dzyudochi bilan alohida suhbatlashdi. Uchrashuv yakunida delegaciyamiz azolariga oq fotiha berildi. 

Reja bo'yicha terma jamoamiz ertaga, 14 iyul kuni Franciyaga jo'nab ketadi. Olimpiadaga tayyorgarlikning so'nggi bosqichi Normandiya regioni Kodbek-lez-Elbyof shaharchasida bo'lib o'tadi. 

Malumot uchun, O'zbekiston dzyudo terma jamoasi Parij-2024 Olimpiadasiga 13 ta licenziya qo'lga kiritgan. O'n ikki nafar (7 erkak, 5 ayol) dzyudochi yakkalik bahslarida ishtirok etadi, shuningdek, aralash jamoaviy bellashuvlarda ham medallar uchun kurash olib boramiz.