MOQdan yangi loyiha: Butun mamlakatimiz bo'ylab sport sayllari o'tkaziladi

Kecha ana shunday tadbirlarning dastlabkisi poytaxtimizdagi G'ofur G'ulom istirohat bog'ida O'zbekiston WTF associaciyasi bilan hamkorlikda tashkil etildi.

Unda O'zbekiston taekvondo WTF terma jamoasi azolari ishtirokida master-klass namoyish etib berildi. Fristayl pumse bo'yicha Osiyo chempioni Iroda Umrzoqova, bronza medali sohibasi Aynura Umrzoqova, kerugi bo'yicha ko'p karra xalqaro musobaqalar sovrindorlari Nurlan Boyxo'jaev, O'zbekiston chempionati sovrindori Muhammadamin Alievlar yig'ilganlarga o'z mahoratlarini namoyish etdilar.

Tashkilotchilar aynan mana shunday chiqishlar orqali istovchilarni taekvondo WTF sport turiga jalb qilishni o'z oldilariga maqsad qilib qo'yganlar. Sog' tanda – sog'lom aql demakdir. Zero, mana shunday sayllar orqali xalq orasida sportga qiziqish yanada kuchayadi. Hali bunday sayllar yana ko'plab sport turlari bo'yicha tashkil etilishi rejalashtirib qo'yilgan.