Movsar Evloev UFC London turnirining markaziy jangida Leron Myorfini mag'lub etdi

Musobaqaning markaziy jangi yarim engil vazn toifasida tashkil etildi.

Unda UFC reytingida birinchi o'rinni egallab turgan rossiyalik Movsar Evloev Angliya vakili, reytingda uchinchi o'rinda qayd etilgan Leron Myorfiga qarshi oktagonga ko'tarildi.

Jang to'liq 5 raund davom etdi. Ikkinchi besh daqiqalikda Movsardan ochko olib tashlandi. SHunga qaramasdan, rus sportchisi bahsda ochkolar hisobiga ko'ra zafar quchdi.

SHu tariqa, Movsar Evloev faoliyatidagi 20-jangida 20-g'alabasini nishonladi. Myorfining rekordi esa endilikda 17-1-1 ko'rinishida.