MPL 5. Matbuot anjumani qanday o'tdi? Toshkentda jahon chempionati o'tkaziladi, yangi kamar uchun ilk jang

Matbuot anjumanida liga tashkilotchisi Mahmud Muradov, murabbiy - Jasur Alijonov, oqshom jangchilari ishtirok etib, OAV xodimlari, muxlislarning savollariga javob qaytarishdi. 

Tadbirda Muradov UFC oktagoniga qachon qaytishi haqidagi savolga ham javob berdi.

Jasur Alijonov Muradov legion Team'ning CHimyon tog' hududida bir hafta davom etgan yig'ini haqida gapirdi. SHuningdek, murabbiy nega ushbu turnirda havaskorlar o'rtasida janglar o'tkazilayotganligiga ham oydinlik kiritdi:

"Yurtimizda istedodli yoshlar ko'p. Maqsadimiz - havaskor sportchilarni ham professionallik tomon etaklash. Bilishimcha, kelasi yil O'zbekistonda MMA bo'yicha jahon chempionati tashkil etiladi. Havaskorlar orasida ham yorqin jang ko'rsatadigan sportchilar bor. Mana shundan yoshlarni ligamiz orqali rivojlanishiga yordam bermoqchimiz", - dedi Alijonov.

MMA muxlislari uchun eng yaxshi yangilik sifatida esa liganing chempionlik kamari namoyish etildi hamda bu kamar uchun birinchilardan bo'lib Ramazon Temirov jang qilishi mumkinligi aytildi. CHempionlik kamari uchun kurashish tartibi ham tushuntirildi.

Kechaning markaziy jangi ishtirokchilari SHohasan Mirzamatov va Edil Esengulov ham o'zlarining janglari haqida fikr bildirishdi. Avvaliga qirg'izistonlik jangchi nega Mirzamatovga «vyzov» tashlagani haqidagi savolga javob berdi:

«Bu shunchaki sportcha qiziqish».

«CHorlovni qabul qildim. Ha, ikkimiz ham Markaziy Osiyoning taniqli jangchisimiz. Kim kuchli ekanligini oktagonda bilib olamiz», - dedi SHohasan.

Anjuman qiziqarli savol-javoblarga boy bo'ldi. Tadbirdan so'ng, ananaga muvofiq vazn o'lchash hamda Face to Face marosimi bo'lib o'tdi.

Carvinoz RAHMONQULOVA, o'z muxbirimiz (Qo'qon shahridan maxsus)