Muhiddin Mamajonov MPL 7`da jang qiladi, u jarohat olgan Jumaevning o'rnini to'ldiradi + POSTER

O'zbekistonlik aralash yakkakurash ustasi Muhiddin Mamajonov (3-0) 7 yanvar kuni Toshkentda tashkil etilagan Muradov Professional League 7 musobaqasi doirasida oktagonga ko'tariladi. Bu haqda liganing Instagram tarmog'idagi rasmiy sahifasi xabar berdi.

Unga ko'ra, Mamajonov jarohat olib safdan chiqqan Jahongir Jumaev (8-3)ning o'rnini to'ldiradi va rossiyalik Zaur Isaev (10-5)ga qarshi jang qiladi.

Muhiddin Mamajonov so'nggi jangini 2022 yil 21 may kuni Qo'qonda tashkillashtirilgan MPL 5 musobaqasi doirasida qirg'izistonlik Eldiyar Toobaev (2-2)ga qarshi o'tkazib, ilk raundda raqibini texnik nokaut bilan mag'lub etgan edi.

Zaur Isaev esa so'nggi bor o'tgan yilning 10 dekabr sanasida Tolstoy-Yurt (CHecheniston)da tashkil etilgan ACA Young Eagles 31 musobaqasida hamyurti Zelimxan Amirov (8-3)ga qarshi jang qilib, sabmishen bilan mag'lub bo'lgan edi. Mazkur oqshom doirasida hamyurtimiz Lazizxon O'zbekov (5-3) Islam Konchiev (9-3)ga qarshi oktagonga ko'tarilib, g'alaba qozongandi.