Muhriddin Tilovov: "Bronzani Toshkentda oltinga aylantiramiz"

-66 kg vazn toifasida yurtimiz sharafini himoya qilgan Sardor Nurillaev va Muhriddin Tilovov nomdor raqiblarini engib, shohsupaga ko'tarilishdi. Kechagi muvaffaqiyatli ishtirok bugungi g'alabalarga zamin yaratishiga, dzyudochilarimizni ilhomlantirishi, zafar sari odimlashiga xizmat qilishidan umidvormiz. 

"Birinchi navbatda musobaqaga yuqori darajada tayyorgarlik ko'rishimiz uchun sharoit yaratib bergan O'zbekiston Jismoniy tarbiya va sport vazirligi, Milliy olimpiya qo'mitasi, dzyudo federaciyasi rahbariyatiga rahmat aytmoqchiman. Isroildagi turnirga qadar Turkiyada xalqaro o'quv-mashg'ulot yig'ini tashkil etib berildi. Bu yig'in bizning foydamizga xizmat qildi. SHuningdek, alohida tarbiya bergan ota-onam, murabbiylarimga ham tashakkur izhor etaman. Bu ularning g'alabasi. Bizning muvaffaqiyatli ishtirokimiz qolgan dzyudochilarimizni g'alaba sari ruhlantirsin. Umid qilamanki, Isroilda qo'lga kiritilgan bronza medalini ikki haftadan so'ng Toshkentda o'tkaziladigan "Katta Dubulg'a" turnirida oltinga aylantiraman", - dedi M.Tilovov. 

Malumot uchun, bu Muhriddin Tilovov uchun faoliyatidagi ikkinchi "Katta Dubulg'a" turniri medali hisoblanadi. U 2017 yilda Boku "Katta Dubulg'a" turnirida kumush medalga ega chiqqan edi.