Murodjon Ahmadaliev navbatdagi raqibi va jang sanasini elon qildi + POSTER

Jang 2023 yilning 16 dekabr kuni AQSHning Arizona shtatida joylashgan "Desert Diamond" arenasida tashkil etiladigan boks oqshomi doirasida o'tkaziladi. Biroz oldin Murodjonning o'zi Instagram sahifasi orqali ushbu to'qnashuvni elon qildi:

"In SHa Alloh, 16 dekabr kuni ishga qaytamiz. Duoda bo'lib turinglar", - deb yozgan bokschimiz.

Qayd etish joiz, hamyurtimiz ishtirokidagi jang WBA chempionlik kamari uchun yakuniy eliminator jangi bo'ladi. Yani, jang g'olibi WBA chempionlik kamari uchun jang qilish huquqini qo'lga kiritadi.

Hozirda ushbu vazndagi WBA yo'nalishi chempioni filippinlik Marlon Tapales hisoblanadi. U 26 dekabr kuni yaponiyalik Naoya Inoue bilan jang qiladi.

Eslatib o'tamiz, Murodjon Ahmadaliev o'ziga tegishli kamarlarni (WBA, IBF) aynan filippinlik Marlon Tapales bilan jangda boy berib qo'ygandi.