Mutua Madrid Open. Iga 1/2 finaldagi raqibasiga 2 tagina geym berdi

Polshalik tennis malikasi WTA reytingida 13-o'rinni egallab turgan rossiyalik Veronika Kudermetovaga qarshi kortga chiqib, 6/1, 6/1 hisoblarida g'alaba qozondi. Tennischilarning o'zaro uchrashuvlaridagi hisob yanada yiriklashdi - 4:0. 

Sakson daqiqa davom etgan bahsda Svyontek bironta eys zarbasini amalga oshirolmadi. Kudermetova esa 1 ta eys, 2 ta qo'shxato qayd etdi. Igada qo'shxatolar kuzatilmadi. U 5 ta breykka erishdi. Endi 21 yoshli Svyontek Mutua Madrid Open bosh sovrini uchun dunyoning ikkinchi raketkasi, belaruslik Arina Sobolenkoga qarshi kortga chiqadi.