Namanganda shinkiokushinkay karate bo'yicha ochiq chempionat o'tkazildi

"NUR-HAS" karate markazi tomonidan tashkil etilgan musobaqada mezbonlardan tashqari Navoiy, Samarqand, Jizzax viloyatlari hamda Toshkent shahridan yuz nafardan ziyod sportchilar tatamiga chiqishdi. 

O'z tarixida ikkinchi bor tashkil etilgan musobaqa Osiyo chempionatiga saralash bosqich vazifasi hisoblanardi. Ushbu qita chempionati 2024 yil sentyabr oyida Tailand davlatida o'tkaziladi. Tashkilotchilarning xabar berishicha, Namangandagi turnir uchun sportchilardan badal pullari olinmaydi. 

CHempionat yakunlariga ko'ra Toshkent shahri karatechilari umumjamoa hisobida birinchi o'rinni egallashdi. Mezbonlar ikkinchi o'rinni band etishgan bo'lsa, kuchli uchlikka Samarqand va Navoiy viloyati karatechilari yakun yasashdi. Jizzax viloyati jamoasi to'rtinchi pog'onadan joy oldi.