20 jan 19:59
Yangiliklar

Tennis

Nigina Abduraimova 1/4 finalda kortga chiqdi

Hindistonning Madhiya-Pradesh shtati Bxopal shahrida tennis bo'yicha ITF W40 turniri davom etmoqda.

Mukofot jamg'armasi 40 000 AQSH dollarini tashkil qiluvchi turnirda hamyurtimiz Nigina Abduraimova ham ishtirok etdi. Hamyurtimiz musobaqada birinchi raqam ostida tasniflangan edi. Afsuski, u yarim final ostonasida mag'lubiyat alamini totib ko'rdi.

Mamlakatimizning birinchi raketkasi 1/4 finalda WTA reytingida 227-pog'onada borayotgan rossiyalik Anastasiya Tixonovaga uch set natijasiga ko'ra imkoniyatni boy berib qo'ydi - 6/3, 2/6, 7/6(7). Abduraimova dunyo reytingida 176-o'rinni egallab turibdi.