Nigina Abduraimova Trnavadagi turnirning 1/4 finaliga chiqdi

Unda hamyurtimiz Nigina Abduraimova ham muvaffaqiyatli odimlayapti. Mamlakatimizning birinchi raketkasi ikki g'alabasi evaziga musobaqaning chorak finaliga yo'l oldi. Nigina 1/16 finalda dunyoning 443-raketkasi hisoblangan chexiyalik Jesika Malechkovani 6/7(6), 6/2, 2/1 (raqibasi bahsni yakuniga etkaza olmadi) hisobida mag'lub etgandi.    

Kecha esa turnirning oltinchi raketkasi sifatida harakat qilayotgan Abduraimova 1 soatu 49 daqiqa davom etgan 1/8 finalda yana bir chex tennischisi Aneta Kuchmovadan uch setda ustun keldi - 6/0, 3/6, 7/5. Bugun tennischimiz 1/4 final bahsida avstraliyalik Arina Rodionovaga qarshi kortga chiqadi.  

Taqqoslash uchun, Nigina Abduraimova WTA reytingida 246, Kuchmova 429, Rodionova 132-o'rinni egallab turibdi. Hamyurtimizning bugungi raqibasi Trnava turnirining ikkinchi raketkasi hisoblanadi va u kecha 1/8 finalda gruziyalik Maryam Bolkvadzeni 6/2, 3/6, 6/2 hisoblarida mag'lubiyatga uchratdi.