Nodirjon Mirzahmedov jahon chempionatida ishtirok etish imkoniyatlari, O'zbekiston chempionatidagi g'alabasini kimga bag'ishlagani haqida gapirdi

- 48 kg vazn toifasida Nodirjon Mirzaahmedov finalda SHodiyor Meliqo'zievni mag'lub etib, ushbu vaznda tengsiz ekanligini yana bir bor isbotladi. Final jangidan so'ng Mirzahmedov saytimz uchun intervyu berib, o'z fikrlari bilan o'rtoqlashdi. 

- Avvalombor, assalomu alaykum. CHempionatda jangdan-jangga kuchli bo'lib bordim deb o'ylayman. O'zimga ko'proq finalda o'tkazgan jangim yoqdi. CHunki ustozlarimiz bizga jangdan-jangga kuchayib borgan bokschi yaxshi bokschi deb o'rgatishgan. 

- Jangdan so'ng hisobni elon qilishda to'xtalish bo'lib qoldi...

- Ha, jangdan keyin biroz to'xtalish bo'ldi. Menimcha, bunga sabab texnik nosozlik, ochkolar kompyuterda emas, qog'ozda hisoblangani bo'ldi deb o'ylayman. SHuning uchun, hisobni elon qilishda biroz to'xtalish bo'lib qoldi.

- Sizni Osiyo chempionatida ishtirok etishingizni ko'pchilik kutgandi. Lekin qita birinchiligida qatnashmadingiz. Jahon chempionatida sizni ko'ramizmi?

- O'zbekiston chempionatidagi g'alaba jahon chempionati sari birinchi qadam bo'ldi deb o'ylayman. Osiyo chempionatida federaciyamiz rahbari yoshlarni ham ko'rishiz kerak, senga o'rinbosar zarur deb yoshlarga imkoniyat berishdi. O'zbekiston chempionatida birinchi raqamli ekanligimni isbotladim. Xudo xohlasa, jahon chempionatida qatnashaman degan umiddaman. Bundan buyog'iga ustozim bilan mashg'ulotlarni yanada kuchli olib boramiz. In SHa Allah jahon chempionatida yaxshi natija qayd etaman.

- Ko'ryapmiz, biroz jarohat ham bor. Bu jarohatlar qaysi jangdan?

- Jarohatlar jangdan-jangga ko'payib boraverdi. Birinchi jangimda ham, ikkinchisida ham bo'ldi. Bilasiz, bu - boks. Har xil zarbalar tegadi, siz ursangiz, sizni ham urishadi. Janglar natijasida mana shu jarohatlar kelib chiqdi. 

SHuningdek, bokschining murabbiyi Rinat Yusupov ham o'z fikrlarini bildirib o'tdi:

"Bugun shogirdim meni juda ham xursand qildi. Yaxshi jang bo'ldi. Uch karra O'zbekiston chempioni degan nomga sazovor bo'ldi. Bundan tashqari, Nodirbek ikki karra Osiyo chempioni bo'lgan. Uchinchisida esa olishmadi. Serbiyadagi jahon chempionatida 5-o'rinni qo'lga kiritgandi. Nodirbekka omad tilayman. Mehnat qilsa hammasi bo'ladi. Keyingi yil Toshketda bo'ladigan jahon chempionatida chempion bo'lishga harakat qilamiz", - dedi Rinat Yusupov. 

"Yana bitta narsani aytib o'tishim kerak",- deya Nodirjon murrabiyining faoliyatida quvonchli kun bo'lganini takidladi. 

"8 dekabr kuni ustozim Rinat akani bitta zalda o'zbek boksi uchun murabbiy bo'lib ishlayotganlariga 50 yil bo'ldi. Men O'zbekiston chempioatida g'alaba qozonib, ushbu yutug'imni murabbiyimning yubileylariga bag'ishlayman deb niyat qilgandim. SHukrki, Allohni qudrati bilan chempioni bo'ldim. G'alabamni ustozimga bag'ishlayman", - deya so'zlarini yakunladi Mirzahmedov.