Norvegiya Qishki Olimpiada rekordini o'rnatdi

16 kunlik musobaqa yakunlariga ko'ra, norvegiyaliklar 16 ta oltin medalni qo'lga kiritishdi.

Avvalgi rekord 2010 yilgi Vankuver Olimpiadasida 14 ta oltin medalga ega chiqqan Kanada tomonidan o'rnatilgan edi. Xuddi shunday natijani Germaniya va Norvegiya Pxyonchxan-2018 Olimpiadasida qayd etgan.

SHuningdek, Pekinda norvegiyalik sportchilar 8 kumush va 13 bronza medalini qo'lga kiritishdi. Medallar jamg'arish bo'yicha Norvegiya Olimpiya o'yinlarini birinchi o'rinda yakunladi. Ikkinchi o'rinni Germaniya (12-10-5) egalladi. Uchinchi o'rindan esa Xitoy (9-4-2) joy oldi. 

Malumot uchun, Norvegiya terma jamoasi 24 ta qishki Olimpiya o'yinlarining barchasida qatnashgan va sakkiz marta medallar jamg'arish bo'yicha Oq Olimpiadani birinchi o'rinda yakunlagan.