Novak Jokovich: "Nadalning yo'qligi tennis uchun katta yo'qotish"

"So'nggi yillar davomida katta turnirlardagi tanaffuslarga o'rganib qoldim. O'tgan va ushbu yilda AQSHdagi turnirda ishtirok etmadim. Vaqtimning asosiy qismini gruntli mavsumga tayyorlanish bilan o'tkazdim.

O'zimning jismoniy holatim yuqori darajaga chiqadigan turnirni tanlayman va unga o'zim istagandek, reja asosida tayyorlanaman. So'nggi uch yil davomida Monte-Karlodagi turnirda muvaffaqiyatga erisha olmadim, chunki, yuqori darajada tennis ko'rsata olmadim. Umid qilamanki, ushbu mavsumni yaxshi boshlayman va Parijda yanada yaxshiroq natija qayd etaman.

Nadalning yo'qligi - nafaqat turnirda, balki, tennis uchun katta yo'qotish. Bu qoplamali kortlarda u katta natijalarga erishgan. U Monakodagi va boshqa katta turnirlarda qanday muvaffaqiyatlarga erishganini yaxshi bilamiz. Boshqa tomondan esa bu musobaqada ishtirok etayotgan ishtirokchilar uchun sovringa bir imkoniyat bo'lishi mumkin", - dedi Jokovich.