Novak Jokovich Parij "Masters" chempioni!

Serbiyalik tennischi final uchrashuvida ATP reytingida 17-pog'onada borgan bolgariyalik Grigor Dimitrovni 6/4, 6/3 hisoblarida mag'lubiyatga uchratdi. Tennischilarning o'zaro uchrashuvlarida Grigor faqat bir martagina zafar quchgan - 1:12! 

Bir yuz to'qqiz daqiqa davom etgan final bahsida Jokovich 6, Dimitrov 5 ta eys zarbani amalga oshirdi. Qo'shxatolar Grigorda bittaga ko'proq bo'ldi - 2 ga 1. Breyklarda esa Novak yaqqol ustunlikka erishdi - 3 ga 0. 

Jokovich faoliyatida 40-marotaba "Masters" seriyasiga kiruvchi turnirlarda bosh sovringa ega chiqdi. Bu mutlaq rekord! Uning umumiy sovrinlari soni esa 97 taga etdi. Bu uning bu yilgi mavsumdagi oltinchi sovrini bo'ldi. 

Rolex Paris Masters turniridagi muvaffaqiyatli ishtirok unga 1000 reyting ochkosi hamda 892,590 evro mukofot puli keltirdi.