Novak Jokovichdan yana bir rekord!

"Katta Dubulg'a" turkumiga kiruvchi turnirlarda esa u 35-bor finalda o'ynaydi. Bu erkaklar va ayollar tennisida mutlaq rekord ko'rsatkich hisoblanadi. Amerikalik Kris Evert 34 marta "Ulkan Toj" turnirlari finalida kortga chiqqan bo'lsa, uning hamyurti Serena Uilyams 33 marta bosh sovrin uchun kurash olib borgan. 

Bu ko'rsatkich bo'yicha Martina Navratilovada 32, SHtefi Graff va Rojer Federerda 31 tadan, Rafael Nadalda esa 30 tadan final bor. 

Novak Jokovich etti karra Uimbldon chempioni hisoblanadi. Serbiyalik tennischi sakkizta finaldan faqatgina bittasida yutqazgan. 2013 yilgi hal qiluvchi bahsda u britaniyalik Endi Marreyga 4:6, 5:7, 4:6 hisoblarida imkoniyatni boy berib qo'ygandi. 

Endi Jokovich 8-bor "Uimbldon" bosh sovrinini qo'lga kiritishga harakat qilib ko'radi. Bu yo'lda u jahonning birinchi raketkasi ispaniyalik 20 yoshli Karlos Alkarazga qarshi bahs olib boradi.