03 jan 07:22
Yangiliklar

Boks/MMA

Nursulton Ro'ziboev UFC'da 2023 yilning eng yaxshi debyutanti bo'lish uchun nomzodlar ro'yxatiga kiritildi

UFC Eurasia yakunlangan yilning eng yaxshilarini aniqlamoqda.

Biz uchun ahamiyatlisi, hamyurtimiz Nursulton Ro'ziboev liganing 2023 yildagi eng yaxshi debyutanti bo'lish uchun nomzodlar qatoriga kiritildi.

Aralash yakkakurash ustamizdan tashqari ushbu nominaciya g'olibligi uchun rossiyalik SHarabutdin Magomedov, Ikram Aliskerov, qozog'istonlik Asu Almabaev, qirg'izistonlik Orolbay Miktibek va Tojikiston vakili Nurullo Aliev kurash olib bormoqda.

G'olib UFC Fight Pass platformasida o'tkaziladigan ovoz berish jarayoni yakuniga ko'ra aniqlanadi.

Eslatib o'tamiz, Nursulton Ro'ziboev 2023 yil UFC'da bitta jang o'tkazdi. U o'zining debyut jangida braziliyalik Bruno Ferreyrani birinchi raunddayoq nokautga uchratgan edi.