04 noy 07:41
Yangiliklar

Boks/MMA

Nursulton Ro'ziboev UFC'dagi keyingi jangini qaysi oyda o'tkazishini aytdi

O'rta vazn toifasida o'zbekistonlik UFC jangchisi Nursulton Ro'ziboev Instagram sahifasiga yangi post joyladi.

Hamyurtimiz ushbu postini quyidagicha izohladi:

"In SHa Alloh, tez orada yana ishga qaytamiz!".

Nursulton, shuningdek, izohlardagi "Keyingi jang qachon?" qabilidagi savolga "Dekabr oyida", deya javob qaytardi.

Aslida, Nursulton Ro'ziboev UFC'dagi ikkinchi jangini 5 noyabr kuni Braziliyada Kayo Borraloga qarshi o'tkazishi lozim edi. Biroq hamyurtimiz jarohat tufayli jangda ishtirok eta olmaydigan bo'ldi.

Eslatib o'tamiz, hamyurtimiz UFC'dagi ilk jangini iyul oyida braziliyalik Bruno Ferreyraga qarshi o'tkazib, ilk raunddayoq nokaut bilan g'alaba qozongan edi.