Odiljon Aslonov: "Dilshodbek Ro'zmetov bilan 4 marta to'qnash kelib, 3 tasida g'alaba qozonganman"

- O'zbekiston chempionatiga jiddiy yondoshamiz. Dilshodbek Ro'zmetovga emas, balki barcha raqiblarga jiddiy qaraymiz. CHunki bu O'zbekiston chempionati. Har xil nomlar, yosh bokschilar kashf etilishi mumkin. SHuning uchun biz biror raqibga oddiy nazar bilan qaramaymiz. 

- Bu erda raqib bo'lsangiz-da, aslida barcha bokschilar bilan bir jamoasizlar...

- Biz bir jamoamiz va hammamizning maqsadimiz O'zbekiston bayrog'ini balandga ko'tarish. 

- Dilshodbek Ro'zmetov siz uchun azaliy raqib hisoblanadi. U bilan umumiy necha marta uchrashgansiz va hisob qanaqa ko'rinishda?

- Dilshodbek Ro'zmetov bilan adashmasam to'rt marta to'qnash kelganmiz. Ruminiyadagi turnirda finalga chiqqanimizda jarohatim borligi tufayli ringga chiqmaganman va menga texnik mag'lubiyat yozilgan. SHukrki, qolgan barcha janglarda g'alaba qozonganman. 

- O'z vazningizda oldinda turgan jahon chempionatida asosiy nomzodsiz... 

- Hamza Avezov, Ravshan Xodjaev va Nodir G'ulomov bilan maqsadimiz bor. SHunga qarab harakat qilyapmiz. Xudo xohlasa, bu g'alabani jahon chempionati va Osiyo o'yinlariga birinchi qadam deb hisoblayman. 

- Prof boksdagi faoliyatingiz qanday davom etyapti?

- Promouterlar bizga aloqaga chiqishyapti. Ular menga jang berishmoqchi. Hozircha asosiy musobaqalarni o'tkazib, yurtimiz sharafini munosib himoya qilganimdan keyin prof boksga qaytish niyatim bor.