Odiljon Aslonov professional boksdagi navbatdagi jangini ham g'alaba bilan yakunladi

Musobaqa doirasida ikkinchi o'rta vazn toifasida o'zbekistonlik charm-qo'lqop ustasi Odiljon Aslonov (6-0-1) ham ringga ko'tarildi. 28 yoshli hamyurtimizga asli gruziyalik, Rossiya nomidan jang qiluvchi Batal CHejiya (12-4-3) raqiblik qildi.

8 raundga mo'ljallangan to'qnashuv to'liq davom etdi va unda hakamlarning yakdil qarori bilan Odiljon Aslonov g'alaba qozondi.

Bu Aslonov uchun prof boksdagi ettinchi jangida qo'lga kiritgan oltinchi g'alabasi bo'ldi, uning hisobida bir durang ham mavjud. Batal CHejiya esa bugun o'zining to'rtinchi mag'lubiyatini qabul qilib oldi.