Oksana CHusovitina o'tirgan samolyotda bomba bo'lgan ekan

42 yoshli qarshilagan va hali katta sportdan ketish haqida umuman o'ylamayotgan Oksana bilan suhbatimiz juda ham qiziqarli va xushchaqchaq tarzda o'tdi. CHusovitina suhbat so'nggida qiziqarli malumotni aytib berdi. Uni sizlarga ham ilinishni lozim topdik.

– O'tgan yili AQSHdan Germaniyaning Frankfurt shahriga uchayotganimda men joy olgan samolyot bortida bomba bo'lgan, - dedi gimnastikachimiz. - Ha, bu hazil gap emas, ayni haqiqat. Biz favqulodda Nyu-York xalqaro aeroportiga qo'nishga majbur bo'lgandik. Okean ustida shunday ko'rinmas chiziq borki, samolyot undan o'tganidan keyin xohlasa ham ortga qayta olmaydi. Baxtimizga o'sha ko'rinmas chegaradan o'tmagan ekanmiz.

Eng qizig'i, samolyot pilotlari ixtiyorida 7 daqiqa vaqt bor edi. Ana shu vaqt ichida biz taxminan 10-15 ming metr balandlikdan aeroportga qo'nishimiz shart bo'lgan. Samolyot ikki daqiqada pastga erkin va majburiy “sho'ng'ish”ni amalga oshirishi kerak edi.

Etiborlisi, o'sha paytda uxlab qolgan ekanman. Ochig'i, nima bo'layotganini tushunmaganman. Nimaga Nyu-Yorkka qo'ndik, nima uchun hammani evakuaciya qilishyapti? Xuddi kinoga o'xshaydi. Haligacha bu daxshatli voqeani eslaganimda, ko'z o'ngim qorong'ilashib ketadi.  

Bilasizmi, samolyot bortida oz emas, ko'p emas 500 nafar yo'lovchi bo'lgan. Pilot samolyot bortiga bomba qo'yilganligi haqidagi xabarni o'sha zahoti aytgandi. CHunki, xalqaro meyorlarga ko'ra, pilot bu haqda bortdagilarga xabar berishi va ularni ogohlantirishi shart ekan.

Kimdir yig'lardi, ayrimlar iltijo qilishga tushib ketishgandi. Haqiqatan ham, daxshatli voqea bo'lgandi. Natijada reysimiz bekor qilingan edi. O'zi undan avval ham parvozlardan qo'rqar edim. O'tgan yilgi voqeadan so'ng qo'rquv yana oshdi.