Olga Danilovich Bostadda chempion bo'ldi

Bosh sovrin WTA reytingida 94-pog'onada borayotgan Olga Danilovichga nasib etdi. Serbiyalik tennischi final uchrashuvida dunyoning 55-raketkasi, amerikalik Emma Navarroni mag'lubiyatga uchratdi - 7/6(4), 3/6, 6/3.

Ikki soatu 29 daqiqa davom etgan bahsda Danilovich ham, Navarro ham bittadan eys zarbasi, ettitadan breykni amalga oshirishdi. Bu ularning ilk uchrashuvi edi. Bostaddagi muvaffaqiyatli ishtirok Danilovichga 160 reyting ochkosi hamda 15,000 dollar mukofot puli keltirdi.