26 iyu 12:17
Yangiliklar
![](/upload/storage/306009_220.jpg)
OLIMPIADAGACHA. Londondagi Olimpiada O'zbekiston uchun qanday o'tgan?
Delegaciyamiz vakillari 15 ta sport turidan 53 nafar sportchi (36 nafar erkak, 17 nafar ayol) bilan o'yinlarda O'zbekiston sharafini himoya qilgan.
Qaysi sport turidan necha nafar sportchi ishtirok etgan?
Boks - 6 nafar
Erkin kurash - 8 nafar
Yunon-rum kurashi - 2 nafar
Sport gimnastikasi - 1 nafar
Dzyudo - 6 nafar
Engil atletika - 13 nafar
Suzish - 2 nafar
O'q otish - 1 nafar
Og'ir atletika - 6 nafar
Trampolin - 1 nafar
Velosport - 2 nafar
Taekvondo - 3 nafar
Tennis - 1 nafar
Badiiy gimnastika - 1 nafar
Sovrindorlar
O'zbekiston ushbu Olimpiya o'yinlarida 2 ta bronza medalini qo'lga kiritgan. Dzyudo bo'yicha 60 kg vaznda Rishod Sobirov o'zining Olimpiya o'yinlaridagi ikkinchi bronza medalini qo'lga kiritgan bo'lsa, boks bo'yicha 75 kg vaznda Abbos Atoev ham O'zbekistonga yana bir bronza medalini olib kelgan. SHuningdek, MOQ 2012 yil 6 noyabrda erkin kurashchimiz Soslan Tigievning bronza hamda 2019 yilda Artur Taymazovning oltin medallarini doping sababli bekor qilgan.
O'zbekiston ushbu natija bilan medallar jamg'arish bo'yicha umumjamoa hisobida 76-o'rinni band etgan. Reytingning birinchi pog'onasini AQSH (48 ta oltin, 26 ta kumush, 30 ta bronza), ikkinchi o'rnini Xitoy (39 ta oltin, 31 ta kumush, 22 ta bronza) egallagan bo'lsa, kuchli uchlikka esa Buyuk Britaniya (29 ta oltin, 18 ta kumush, 18 ta bronza) yakun yasagan.
Britaniyada bo'lib o'tgan Olimpiya o'yinlarida 204 ta mamlakatdan 10518 nafar sportchilar (5863 ta erkak, 4655 ta ayol) 26 ta sport turi bo'yicha musobaqalarda ishtirok etgan.
Habib Jo'raboev tayyorladi
Fikrlar