OLIMPIADAGACHA. Sidneydagi Olimpiada O'zbekiston uchun qanday o'tgan? (Mutolaa uchun)

Delegaciyamiz vakillari 12 ta sport turidan 70 nafar sportchi (52 nafar erkak, 18 nafar ayol) bilan o'yinlarda O'zbekiston sharafini himoya qilgan.

Qaysi sport turidan necha nafar sportchi ishtirok etgan? 

Boks - 10 nafar 

Erkin kurash - 6 nafar 

Yunon-rum kurashi - 5 nafar 

Spori gimnastikasi - 1 nafar 

Baydarka va kanoeda eshkak eshish - 1 nafar 

Dzyudo - 7 nafar 

Engil atletika - 22 nafar 

Suzish - 10 nafar 

Kamondan otish - 3 nafar 

Og'ir atletika - 2 nafar 

Qilichbozlik - 1 nafar 

Tennis - 1 nafar 

Tramplindan sakrash - 1 nafar.

Sovrindorlar 

O'zbekistonning Olimpiya o'yinlari tarixidagi dastlabki oltin medali aynan ushbu musobaqada qo'lga kiritilgan. Boks bo'yicha 63.5 kg vazn toifasida Muhammadqodir Abdullaev to'rt yillikning eng nufuzli turnirida tengsiz bo'lgan. Kurash bo'yicha og'ir vaznda Artur Taymazov finalga qadar etib borib, yakunda kumush medal bilan kifoyalangan. SHuningdek, boks bo'yicha 81 kgda Sergey Mixaylov va +91 kgda Rustam Saidov bronza medallarini o'ziniki qilgan.

O'zbekiston ushbu natija bilan medallar jamg'arish bo'yicha umumjamoa hisobida 43-o'rinni band etgan. Reytingning birinchi pog'onasini AQSH (37 ta oltin, 24 ta kumush, 32 ta bronza), ikkinchi o'rnini Rossiya (32 ta oltin, 28 ta kumush, 29 ta bronza) egallagan bo'lsa, kuchli uchlikka esa Xitoy (28 ta oltin, 16 ta kumush, 14 ta bronza) yakun yasagan.

Avstraliyada bo'lib o'tgan Olimpiya o'yinlarida 199 ta mamlakatdan 10651 nafar sportchilar ishtirok etgan.

Habib Jo'raboev tayyorladi