Oliy o'quv yurtlariga kirish imtiyozini qo'lga kiritgan gimnastikachilar malum

Badiiy gimnastika bo'yicha ko'pkurash bahslarida Diyora Burhonxo'jaeva (Toshkent) birinchi o'rinni qo'lga kiritdi. SHuningdek, musobaqada samarqandlik Maftuna Quvondiqova hamda nukuslik Dilafruz Solieva shohsupaga ko'tarildi.

Alohida predmetlar bo'yicha o'tgan bellashuvlarning xalqada mashq bajarish bahslarida D.Burhonxo'jaeva, koptokda D.Ashurova, bulavada D.Solieva, tasmada M.Quvondiqova g'alaba qozondi.

Trampolin bo'yicha o'tgan bellashuvlarda Bobur Ahmadaliev, Diyora Sayfiddinova, sinxron yo'nalishida Maxsud Sobirov va Bunyod Yo'ldoshev tandemi g'alaba qozondi. Ayollar o'rtasida esa Kimyo Mamajonova hamda Zulfizar O'lmasboeva juftligi g'olib bo'ldi.

Akrobatika yo'lakchasida sakrashda Mashrab Nazaraliev va Sabina Xudoeva shohsupaning eng yuqori pog'onasidan joy oldi.