Ommaviy mushtlashuv ishtirokchilari Freytas va Silvaga jazo belgilandi

Janjalda Aselino Freytas va Vanderley Silva jamoalari o'zaro mushtlashib ketishgan va bu ommaviy janjalga aylangandi. Ushbu mushtlashuv ishtirokchilarining diskvalifikaciya muddatlari malum bo'ldi.

Braziliya milliy boks kengashi mushtlashuv ishtirokchilariga 2 oydan 12 oygacha diskvalifikaciya elon qildi. Freytasning yuziga ikki marta zarba bergan Silva eng ko'p chetlatish oldi - bir yil. 

Qizig'i, Silvani nokautga uchratgan Aselino Freytasning o'g'li Rafael Freytas hozircha jazosiz qoldi, chunki u tadbirda rasmiy maqomga ega bo'lmagan. Braziliya milliy boks kengashi unga boks tadbirlariga borishni umrbod taqiqlashni tavsiya qildi. Bu tavsiyaning bajarilishi musobaqa tashkilotchilariga bog'liq bo'ladi.

Bokschilarning o'zlari esa 180 kunlik diskvalifikaciya hamda Braziliyadagi har qanday boks musobaqalarida qatnashish huquqidan mahrum qilindi.