O'n besh nafar dzyudochimiz Aktau Asian Open 2024 musobaqasida tatamiga chiqadi

"Halyk Arena" mezbonlik qiluvchi ushbu Osiyo Ochiq turniri Xalqaro dzyudo federaciyasi taqvimidan o'rin olgan bo'lib, unda Ozarbayjon, Gonkong, Hindiston, Eron, Qirg'iz Respublikasi, Mo'g'uliston, Tojikiston, O'zbekiston va Qozog'istondan jami 200 nafarga yaqin sportchi medallar uchun bahslarga kirishadi. 

Yurtimiz sharafini 15 nafar dzyudochimiz himoya qiladi. Biroz avval Osiyo Ochiq kubogiga qura tashlash marosimi bo'lib o'tdi. Musobaqa chempionlari o'z hisoblariga 100 reyting ochkosini qo'shib qo'yishadi. Kumush medal egalari 70, bronza medal sohiblari esa 50 ochkoni qo'lga kiritishadi. 

O'zbekistonlik dzyudochilar uchun qura natijalari:

ERKAKLAR

-60 kg: Imomaddin Karimov - Aman Bakitjan (Qozog'iston)

-73 kg: Muhammadyahyo Muhammadjonov - Kanat Abituli (Qozog'iston)/Iriskeldi Jumabekov (Qirg'iz Respublikasi)

-81 kg: Ravshanbek Ollamov - Orazgeldi Uralov (Qozog'iston)

-81 kg: Muhammad Mamadaliev - Nurbek Murat (Qozog'iston)

-81 kg: Muhammadali Rashidov - Karim Allahverdiev (Ozarbayjon)

-81 kg: Behruz Homidov - Sayat Seytkaliev (Qozog'iston)

+100 kg: Abdulloh Xudoyorov - Erassil Nugumat (Qozog'iston)

+100 kg: Temirlan Ibraev - SHinggiz Erjanuli (Qozog'iston)

+100 kg: Asadbek SHixnazarov - Rahul (Hindiston)

QIZLAR 

-48 kg: Fotimaxon Tursunalieva - Ayana Duysenbay (Qozog'iston)/Ayaulim Turdike (Qozog'iston)

-48 kg: Ulbusin Hakimova - Jibek Jaksibay (Qozog'iston)

-52 kg: Yulyana Maksetbaeva - Nurbala Zaynul (Qozog'iston)

-52 kg: Farangiz Rahimova - Meruert Sarsenova (Qozog'iston)

-63 kg: Sevinch Isoqova - Karligash Telman (Qozog'iston)/Saniya Ray (Hindiston)

-70 kg: SHinar Ibraeva - Anastasiya Mayakova (Qozog'iston)