Oq Olimpiada start oldi. Pekin-2022 Olimpiadasi haqida qiziqarli faktlar

Ushbu Olimpiada haqida qiziqarli faktlarni etiboringizga havola etamiz.

Birinchi fakt bu albatta Pekin-2022 XXIV qishki Olimpiada hisoblanadi. 

Pekin Olimpiadasining tantanali ochilish marosimi "Qush uyasi" nomi bilan mashhur bo'lgan milliy stadionda bo'lib o'tdi.  Ushbu arena yozgi va qishki Olimpiya o'yinlarining ochilish marosimiga mezbonlik qilgan ilk arena hisoblanadi. 

Ochilish marosimi Toshkent vaqti bilan 17:00 da boshlandi. 

Ammo ananaga ko'ra, barcha musobaqalarni taqvimga moslashtirishning imkoni bo'lmaganligi uchun saralash startlari ikki kun oldin, 2 fevral kuni boshlandi.

Qaerda?

Olimpiya musobaqalari uchta shaharda: Pekin, Yancin va CHjanczyakouda o'tkaziladi.

Pekin shahri xokkey, figurali uchish, short-trek, kyorling, fristayl va snoubord bahslariga mezbonlik qiladi.

2008 yilgi Olimpiya o'yinlarida suzish bahslariga mezbonlik  qilgan "Water Cube" arenasi 2022 yilda kyorlingchilar uchun "Ice Cube"ga aylantirildi.

Yancinda tog' chang'isi va chang'i sporti, shuningdek, bobsley va skeleton bo'yicha musobaqalar bo'lib o'tadi.

CHjanczyakouda konkida yugurish, biatlon, tramplin, shuningdek, snoubord va fristaylning boshqa yo'nalishlari bo'yicha bellashuvlar o'tkaziladi. 

Medallar  va sport turlari.

Olimpiadada 7 ta sport turining 15 yo'nalishi bo'yicha bahslar bo'lib o'tadi: biatlon, bobsley, tog' chang'isi, kyorling, konkida yugurish, chang'i poygasi, tramplindan sakrash, chang'i sporti, skeleton, snoubord, figurali uchish, fristayl, xokkey, short-trek, chang'i sporti (ikki kurash: tramplindan sakrash va poyga)

Olimpiadada 109 ta medallar jamlanmasi  o'ynaladi. Medaldagi 24 ta yulduz o'z tarixida XXIV bor o'tkazilayotgan oq Olimpiadani anglatadi. 

Maskot

2019 yil 17 sentyabr kuni panda  Bin Dun Dun Olimpiadaning rasmiy maskoti sifatida elon qilindi. Bir yildan ortiqroq vaqt davomida talisman tanlandi, olti mingdan ortiq namunalar ko'rib chiqildi. Natijada, panda Bin Dun Dun maskot sifatida tanlandi. Uning muallifi Guanjou Badiiy akademiyasining bosh dizayneri Cao Syuedir. 

Bing Dun Dunni "muz bolasi" deb atash ham mumkin: "Bing" muzdan tashqari poklik va kuchni ham anglatadi va "Dun Dun" - "sog'lom", "kuchli" va "quvnoq" deganidir.

Pandaning chap panjasida yurak bor. Bu - mehmondo'stlik ramzi.

Afsonaga ko'ra, panda Bing Dun Dun bambuk chakalakzorlari bo'ylab yurib, u erda koinotdan uchib kelgan sirli mavjudot bilan aloqada bo'lgan va shundan so'ng u super kuchlarga ega bo'lgan. Endi muz kostyumi tufayli panda Olimpiya sportchilari bilan birga konkida yugurishi, chang'i va snoubordda uchishi mumkin bo'ladi.

Havo va suniy qor

Pekinda fevral oyida o'rtacha harorat minus to'rt darajani tashkil etadi. Ammo tayyorgarlik jarayonida tashkilotchilar juda sovuq, ammo qorsiz va shamolli qishning yoqimsiz prognozlaridan qo'rqishdi. Hozircha havo harorati g'ayritabiiy darajani ko'rsatmayotgan bo'lsada, qor etishmasligi muammosi suniy qor yordamida hal qilinmoqda. Uni ishlab chiqarish uchun taxminan 49 million gallon (222 million litr) va 200 ga yaqin qor ishlab chiqaruvchi moslamalar kerak bo'ladi.

CHeklovlar bilan o'tayotgan Olimpiada

Ushbu Olimpiada koronavirusning yangi shtammi tarqalishining og'ir sharoitida bo'lib o'tmoqda va Olimpiya o'yinlari jiddiy anti-kovid cheklovlar bilan o'tishi haqida ko'p aytildi: kelishdan oldin ikki tomonlama testlar, kundalik testlar, vakcina olmaganlar uchun 21 kunlik karantin. Bundan tashqari Pekinda har kuni Olimpiada bilan bog'liq odamlarda koronavirusga chalinish holatlari uchrayapti. 

Oficiant robotlari

Kontaktlar va infekciya tarqalishini minimallashtirish uchun Olimpiya qishloqlariga o'nlab maxsus robotlar olib kelindi, ular savdogar va oficiant vazifasini bajaradi.

Maxsus robot qo'l to'g'ridan-to'g'ri yuqoridan stolga likopchalarni etkazib beradi. Ha, Olimpiadada mana shunday texnologiyadan foydalanilmoqda. Ajoyib qaror. 

SHuningdek, burger tayyorlaydigan "robot-oshpaz" ham bor, to'rt daqiqada kofe tayyorlaydigan robot-barista ham. Hatto kokteyl tayyorlay oladigan robot-barmen.

Raqamlar

Ushbu Olimpiya o'yinlarida jahonning 95 mamlakatidan 4000 nafarga yaqin sportchi ishtirok etadi. 

Olimpiya o'yinlarida mamlakatimizdan birgina Komiljon To'xtaev yurtimiz sharafini himoya qiladi. Sportchimiz tog' chang'isida o'z imkoniyatini sinovdan o'tkazadi.  U 13 fevral kuni gigant slalom va 16 fevral kuni slalom yo'nalishida startga chiqadi. Oq Olimpiada boshlanmoqda. Deyarli ikki haftadan ortiq vaqt davom etadigan Olimpiya o'yinlarini o'tkazib yubormang.

Xurshida Abdikulova tayyorladi