Osiyo chempionatida ishtirok etgan taekvondochilarimiz yurtimizga qaytishdi

Ushbu qita birinchiligida o'zbekistonlik sportchilar ham ishtirok etib, umumjamoa hisobida uchinchi o'rinni egallagandilar. Kecha tunda musobaqada ishtirok etgan sportchilarimiz poytaxtimizga qaytib kelishdi. 

Ularni Islom Karimov nomidagi Toshkent xalqaro aeroportida Milliy olimpiya qo'mitasi mutasaddilari, O'zbekiston taekvondo WTF associaciyasi rahbarlari, sportchilarning yaqinlari, muxlislar va ommaviy axborot vositalari xodimlari kutib olishdi.

Yurtimizga Osiyo chempionati sovrindorlarining uch nafari – Niyoz Po'latov, Madina Mannopova va Sardor Toirovlar qaytib kelishdi. Terma jamoamizning qolgan etakchi sportchilari esa 1-3 iyun kunlari bo'lib o'tadigan Gran-Pri turnirida ishtirok etish uchun Italiyaga jo'nab ketishgan.

Eslatib o'tamiz, Osiyo chempionatida sovrindor bo'lgan o'zbekistonlik taekvondochilar ro'yxati quyidagicha ko'rinish olgan:

Oltin:
-74kg: Nikita Rafalovich
-67kg: Nigora Tursunqulova

Kumush:
-87kg: Jasur Boyqo'ziev

Bronza:
-80kg: Maksim Rafalovich
-63kg: Sardor Toirov
-46kg: Madina Mannopova
-58kg: Niyoz Pulatov
-87kg: Dmitriy SHokin.