21 avg 15:32
Yangiliklar

Taekvondo, Osiyo o'yinlari

Osiyo o'yinlari-2018. Dmitriy SHokin kumush medal sohibi, bu 10-medal+FOTO!

Osiyo o'yinlari doirasidagi taekvondo musobaqasi qizg'in kurashlar ostida davom etmoqda.

Afsuski, hozirgina yakuniga etgan +80 kg vazn toifasidagi final uchrashuvida hamyurtimiz alamli mag'lubiyatga uchradi. Jahon chempioni Dmitriy SHokin final jangida eronlik 22 yoshli Sayid Rajabiga 2:3 hisobida yutqazib qo'ydi.

Birinchi va ikkinchi bo'limlarda hisob ochilmadi. Uchinchi raundda tomonlar bittadan aniq zarba berishdi. Qo'shimcha to'rtinchi bo'limda Dima 2:1 hisobida oldinga chiqib oldi. Lekin jang yakunlanishiga bir necha soniya qolganda Rajabi ikki ochkolik zarba yo'llab, oltin medal sohibiga aylandi. SHokin esa kumush medal bilan kifoyalandi.