28 noy 10:05
Yangiliklar
Boks/MMA
Otabek Xolmatovning jangi uchun aukcionda "Top Rank" g'olib bo'ldi, bokschimiz Usik-Fyuri oqshomida ringga ko'tarilishi mumkin
Professional bokschimiz Otabek Xolmatov vakant qolgan WBA kamari uchun Raymon Ford bilan jang qilishi haqida xabar qilgandik.
Ushbu jangni tashkil etish huquqi uchun promouterlik savdosi o'z yakuniga etdi.
Unga ko'ra, "Top Rank" promouterlik kompaniyasi ushbu jangni tashkil qilish huquqini qo'lga kiritdi. Kompaniya 317 500 dollar evaziga aukcionda g'olib bo'ldi.
Mazkur savdoda Ford faoliyat olib boradigan "Matchroom" kompaniyasi 255 555 dollarlik taklif bilan ishtirok etgandi. Ammo yakunda, "Top Rank" g'olib bo'ldi.
Gonorarlar bokschilarga 50/50 ko'rinishida taqsimlanadi.
Jangni tashkil etish uchun uchta sana ko'rib chiqilmoqda:
Verona - 2 mart
Nyu-York - 16 fevral
Ar Riyod - 17 fevral.
Malumot uchun, 17 fevral kuni Ar Riyodda o'tkaziladigan oqshomning markaziy jangida Tayson Fyuri va Aleksandr Usik superog'ir vaznning mutlaq chempionligi uchun jang qiladi.
Havola :
Fikrlar