O'zbek professional boksida yil voqeyligi - WBC Konvenciyasi!

12-17 noyabr kunlari poytaxtimiz tarixda ilk bor Butunjahon boks ittifoqi (WBC)ning 61-Konvenciyasiga mezbonlik qildi. WBC professional boksning eng nufuzli yo'nalishi bo'lib, unga 1963 yilda asos solingan. SHtab-kvartirasi Meksikaning Mexiko shahrida joylashgan. 2022 yil tashkilotning yubiley - 60 yillik Konvenciyasi Meksikada o'tkazilgan va aynan o'sha tadbirda 61-Konvenciya mezbonligi Toshkent shahriga ishonib topshirilgandi. 

Yilning eng muhim boks tadbirida qatnashish uchun yurtimizga yuzdan ziyod mamlakatdan delegatlar keldi. O'zbekistonda WBC tashkil etilganligining 60 yilligi ham nishonlandi. SHu kungacha Konvenciya Meksikadan tashqari AQSH, Evropa mamlakatlarida tashkil etilgandi. MDH mamlakatlari orasida Boku (Ozarbayjon) va Moskva (Rossiya) shaharlari ham ushbu tadbirga mezbonlik qilgan. Osiyo davlatlari orasida Tailand, Yaponiya ham WBC konvenciyasini qabul qilgan. Markaziy Osiyo davlatlari orasida biz birinchi bo'ldik. 

WBC 61-konvenciyasida talim, doping, hakamlik, xalqaro munosabatlar, boks qoidalari, reytinglar, chempionlik kamarlari, xayriya va jamoat tashabbuslari kabi bir nechta masalalar bo'yicha yig'ishlar o'tkazildi. Mayk Tayson, Evander Xolifild, Aleksandr Usik, Robert Dyuran, Kostya Czyu, Amir Xan singari dunyoga mashhur boks yulduzlari ushbu tadbirda ishtirok etishdi. 17 noyabr kuni muhtasham "Humo Arena"da o'tkazilgan katta professional boks kechasi bilan WBC Konvenciyasiga yakun yasaldi.