O'zbekiston MMA uyushmasi rahbaryati MPL bayonotiga rasmiy munosabat bildirdi

SHuningdek, u qariyb 20 nafar yosh kurashchilar qatnashishi taxmin qilingan musobaqaning bekor qilinishi Ligaga nomalum sabablarga ko'ra yuz berganini alohida takidlab o'tgandi. O'zbekiston MMA uyushmasi ushbu xabarga raddiya berib, o'z rasmiy munosabatini bildirdi. 

"15 dekabr kuni, yani janob Alijonovning ommaviy chiqishidan kamida bir hafta avval, MMA uyushmasi tomonidan MPL va ATF rahbariyati nomiga ushbu sport tashkilotlari 6 oylik muddat davomida har qanday darajadagi musobaqalarni o'tkazish taqiqlanganligi to'g'risida xabardor kilingan. Aytish joizki, bunday taqiq uchun rasmiy asoslar etarlicha va vaziyat shaffof. CHunki turnirlarni o'tkazish vaqtida MPL va ATF tomonidan O'zbekiston Respublikasi Prezidentining 2007 yil 28 martdagi PQ-608-son qarori va Vazirlar Mahkamasining 2007 yil 16 avgustdagi 176-son qarori talablari tizimli ravishda buzilgan. Mazkur qarorlar qimor o'yinlarini tashkil qilish bilan bog'liq noqonuniy faoliyatni bartaraf etishga qaratilgan. Aniqroq aytadigan bo'lsak, ko'rsatib o'tilgan ligalarning musobaqalari doirasida sportga pul tikish holatlari faol reklama orqali ilgari surilishiga yo'l qo'yilgan", - deyiladi bayonotda.

MMA uyushmasi rahbaryati ushbu xodisani quyidagicha izohladi: “Biz uchun MPL rahbariyatining nima sababdan bu kabi masuliyatsiz xabarlarni berayotganini tushunish qiyin. O'zimiz tomondan ikkala ligani biz tarafdan joriy etilgan cheklovlar hamda ular bilan bog'liq dastlabki shart-sharoitlar haqida o'z vaqtida xabardor qilish uchun barcha choralarni ko'rdik. Qayd etish kerakki, qonunchilik talablari bir necha marta buzilgan, shu bois mohiyatan bizning tartibga soluvchi sifatida boshqa ilojimiz qolmadi. Etiborlisi, ATF tomonidan hech qanday etiroz bildirilmagan, zero Uyushma tomonidan ikkala tashkilot bir vaqtda xabardor kilingan. Biz bu holat ommaviy tus olishini istamagan edik, biroq hamkasblarimizning tushunarsiz xatti-harakati, afsuski, bizga boshqa yo'l qoldirmadi. O'zimiz tomondan MMA shaklidagi har qanday tadbirlar mamlakatimizda qonunchilikka qatiy muvofiqlikda o'tkazilishi uchun barcha say-harakatlarni amalga oshiramiz”.