O'zbekiston Prezidenti Butunjahon taekvondo federaciyasi prezidentini qabul qildi

Davlatimiz rahbari mehmonni qutlar ekan, ushbu nufuzli xalqaro sport tashkiloti rahbariga O'zbekistonda taekvondoni, avvalo, yoshlar o'rtasida ommalashtirishga qo'shayotgan shaxsiy hissasi va amaliy say-harakatlari uchun samimiy minnatdorlik bildirdi.

Bugungi kunda ushbu jangovar sanat turi bilan 20 mingdan ziyod yurtdoshimiz shug'ullanmoqda. 1993 yil Taekvondo milliy associaciyasi tashkil etildi. O'zbekiston davlat jismoniy tarbiya institutida faoliyat ko'rsatayotgan taekvondo kafedrasida malakali murabbiylar tayyorlanmoqda.

Butunjahon taekvondo federaciyasi O'zbekistonda sportning ushbu turini rivojlantirishga faol ko'maklashayotganini qayd etish kerak. Bu borada birgalikda turli turnirlar tashkil etib, mamlakatimizda zamonaviy infratuzilmani yaratish va uni jihozlash loyihalarida, shuningdek, milliy terma jamoamizning Janubiy Koreyada tayyorgarlik ko'rish hamda mashg'ulot yig'inlarini o'tkazishda ishtirok etmoqda.

Uchrashuvda o'zaro hamkorlikni kengaytirish, mamlakatimizda yirik xalqaro turnirlarni muntazam o'tkazish, Butunjahon federaciyasining davlatimiz rahbarining tashabbusi bilan O'zbekiston Milliy universitetida tashkil etilayotgan taekvondo fakulteti faoliyatini yo'lga qo'yishda, shuningdek, yurtimiz yoshlarini sportga keng jalb qilishga qaratilgan boshqa tadbirlarda ishtirok etish masalalari muhokama etildi.

CHo CHung Von Prezidentimiz SHavkat Mirziyoevga samimiy qabul va O'zbekistonda taekvondo va boshqa sport turlarini rivojlantirishni qo'llab-quvvatlayotgani uchun chin dildan minnatdorlik izhor etdi. Butunjahon taekvondo federaciyasi O'zbekiston bilan yangi qo'shma loyihalar va keng ko'lamli hamkorlik dasturlarini amalga oshirishdan manfaatdor ekanini takidladi.

Yolqin SHamsiddinov (surat), O'zA