O'zbekiston qishki Olimpiadalarda: Nagano-1998

Musobaqa oldidan biz yurtimiz sportchilarining qishki Olimpiya o'yinlaridagi ishtiroki tarixiga nazar tashlaymiz.

Bundan bir necha kun oldin sportchilarimizning 1994 yilgi Olimpiadadagi ishtiroki haqida malumotlarni etiboringizga taqdim etgandik.

O'zbekiston qishki Olimpiadalarda: Lillehammer-1994

Bugun esa 1998 yilda Yaponiyada o'tgan "Oq olimpiada"gi o'zbekistonlik sportchilarning ishtiroki haqida malumot beramiz.

"Nagano-1998"

Hisob bo'yicha 18-hisoblangan "Oq Olimpiada" 1998 yili 7-22 fevral kunlari Yaponiyaning Nagano shahrida o'tkazilgan. 

Turnirda O'zbekiston nomidan to'rt nafar sportchi ishtirok etgan:

Tog' chang'isi: 

Komil O'runboev

Figurali uchish:

Roman Skorniakov

Tatyana Malinina

Fristayl:

Lina CHeryazova

Sport bayramining tantanali ochilish marosimida Komil O'runboev terma jamoamiz bayroqdori vazifasini bajargan. 

Aynan 21 yoshli O'runboev o'shanda terma jamoamizning eng yosh sportchisi bo'lgan. 29 yoshli Lina CHeryazova esa jamoadoshlari ichida yoshi eng katta sportchi bo'lgan.

Vakillarimiz 1998 yilgi Olimpiadada medal qo'lga kirita olmaganlar. Sportchilarimiz ichida eng yaxshi natijani figurali uchish bahslarida Tatyana Malinina qayd etgan. O'shanda u final bahslarida sakkizinchi pog'onani egallagandi. 

Aziz To'xtamurodov