Ўзбекистон қишки Олимпиадаларда: Лиллеҳаммер-1994

Ушбу спорт байрамида 90дан ортиқ мамлакат қаторида Ўзбекистон терма жамоаси спортчилари ҳам қатнашадилар. Мусобақа олдидан биз юртимиз спортчиларининг қишки Олимпия ўйинларидаги иштироки тарихига назар ташлаймиз. 

Лиллеҳаммер-1994

Ўйинлар 1994 йили 12-27 февраль кунлари Норвегиянинг Лиллеҳаммер шаҳрида ўтказилган. Ушбу турнир мустақил Ўзбекистон тарихидаги илк Олимпиада ҳисобланади. 

Ўшанда нуфузли мусобақада юртимиз шарафини 2 ҳил спорт туридан 7 нафар спортчи ҳимоя қилган. 

Фигурали учиш:

Алики Сергааду

Юрис Разгуляев

Динара Нурдбаева

Муслим Сатторов

Фристайл: 

Сергей Бренер

Лина Черязова

Лариса Удодова

Олимпиаданинг очилиш маросимида Сергей Бренер терма жамоамиз байроқдори бўлган. 

Вакилларимиз орасида 17 ёшли Динара Нурдбаева терма жамоамизнинг энг ёш вакиласи бўлган. 28 ёшли Муслим Сатторов эса жамоадошлари ичида ёши энг катта спортчи эди.

Лиллеҳаммердаги ўйинларда Ўзбекистон спорти тарихида "Оқ Олимпиада"даги илк ва бугунги кунда ягона бўлиб турган олтин медаль қўлга киритилган. Фристайлнинг акробатика баҳсларида Лина Черязова барча рақибларидан яхши натижа қайд этган ҳолда олтин медални терма жамоамизга тақдим этган. 

Ўшанда ҳамюртимиз саралаш баҳсларида 144,43 балл билан ўн иккинчи натижани қайд этиб, финал босқичига йўлланма олганди. Ҳал қилувчи чиқишларда эса Черязова 166,84 балл тўплай олган ва якунда барча рақибларидан юқори натижа қайд этиб, шоҳсупанинг энг юқори поғонасидан ўрин эгаллаган. Ушбу олтин медаль эвазига Ўзбекистон терма жамоаси Лиллеҳаммердаги Олимпиадада умумжамоа ҳисобида 14-ўринни эгаллаган.

Азиз Тўхтамуродов