O'zbekiston taekvondo WTF associaciyasiga yangi rahbar saylandi

Unda O'zbekiston Milliy olimpiya qo'mitasi Bosh kotibi Jasur Matchanov, taekvondo WTF associaciyasi mutasaddilari, viloyat bo'limlari rahbarlari, sportchi va murabbiylar ishtirok etishdi.

Yig'ilish avvalida delegatlarga kun tartibi tanishtirildi. SHundan so'ng O'zbekiston Milliy olimpiya qo'mitasi Prezidenti maslahatchisi Komiljon Xudoyberdiev so'zga chiqdi va so'nggi yillarda taekvondo WTF yo'nalishi bo'yicha amalga oshirilgan ishlar, terma jamoamiz sportchilari qayd etayotgan natijalar haqida gapirdi. Keyin esa u taekvondo (WTF) associaciyasi rahbarligi uchun shu kungacha O'zbekiston taekvondo (ITF) milliy associaciyasi prezidenti lavozimida faoliyat ko'rsatib kelgan Laziz Saydivalievich Hasanov nomzodini ko'rsatdi. Qizg'in bahs munozaralardan so'ng L.Hasanov nomzodi qo'llab-quvvatlandi va u O'zbekiston taekvondo WTF associaciyasi prezidenti lavozimiga saylandi.

O'z navbatida yangi rahbar oldiga malum talab va vazifalar qo'yildi. Jumladan, Laziz Hasanov qisqa vaqt ichida terma jamoalarga iqtidorli sportchilar etkazib berish tizimini qayta ko'rib chiqishi, murabbiylar malakasini oshirishga etiborni kuchaytirishi, Osiyo va Olimpiya o'yinlari kabi nufuzli musobaqalarda o'zbekistonlik taekvondochilarning muvaffaqiyatli ishtirok etishi uchun zarur choralar ko'rishi kerak bo'ladi. SHu tariqa, O'zbekiston taekvondo WTF associaciyasining navbatdan tashqari saylov Konferenciyasi o'z ishini yakunladi.