O'zbekistonlik futbolchi faoliyatini SHotlandiyada davom ettirishi mumkin

"Yosh jamoamiz Superliga grand jamoalari bilan tengma-teng o'ynamoqda, shu jumladan «Surxon» O'zbekiston kubogi pley-off bosqichiga ham chiqdi

Hech kimga sir emaski, jamoamizni nafaqat mamlakat ichida, balki xorijda ham kuzatib borishmoqda. Iyul oyida «Surxon» Xitoyga yig'in o'tkazish uchun jo'nab ketdi va u erda ko'plab futbolsevar muxlislar jamoamizga muxlislik qilishdi. SHuningdek, futbolchilarimizni Evropadan skautlar kuzatib kela boshladi. SHu Jumladan, SHotlandiyaning «Livingston» futbol klubi Dostonbek Tursunovga qiziqish bildirib, ko'rikdan o'tish uchun futbolchimizni SHotlandiyaga taklif qildi

«Livingston» SHotlandiya oliy ligasi vakili bo'lib, 2022/23 mavsumida jamoa 6-o'rinni egallab oldi. SHu jumladan, SHotlandiya chempionatida «Seltik» va «Glazgo Reynjers» kabi grand jamoalar ham ishtirok etadi

Agar Doston Tursunov ko'rikdan muvaffaqiyatli o'tsa, va futbolchimizning harakatlari «Livingston» murabbiylarga mos kelsa, Tursunov SHotlandiya chempionatida faoliyatini davom ettirish mumkin. Bu bilan birga, tarixda ilk marotaba o'zbekistonlik futbolchi SHotlandiya chempionatida to'p tepadi",- deb xabar bermoqda «Surxon» matbuot xizmati.