O'zbekistonlik juftlik o'smirlar Olimpiya o'yinlariga licenziya qo'lga kiritdi

Unda sport akrobatikasi bo'yicha O'zbekiston terma jamoasi shu yilning oktyabr oyida Buenos-Ayres shahrida bo'lib o'tadigan III yozgi Olimpiya o'yinlariga licenziya qo'lga kiritgani rasman tasdiqlandi.

Bundan bir necha kun oldin, aniqrog'i 5-11 aprel kunlari sport akrobatikasi bo'yicha O'zbekiston terma jamoasi azolari Nikolay Evdokimov va Xursana Magmuzovalardan tashkil topgan juftlik Belgiyada bo'lib o'tgan jahon chempionatida ishtirok etishgandi. Olimpiya o'yinlari licenziyasi aynan mazkur jahon chempionati yakunlari bo'yicha terma jamoamizga berildi.

Malumot uchun, O'zbekiston uchun sportning ushbu turida yagona licenziya ajratilgan. SHunday ekan, musobaqalarga ikkita juftlik (Nikita Evdokimov/Xursana Magzumova hamda Nikolay Evdokimov/Arina Yulusheva) tayyorgarlik ko'radi. Buenos Ayresga jo'nab ketish oldidan o'quv-mashg'ulot yig'inlari yakuniga ko'ra murabbiylar kengashi ular orasidan eng yaxshisini tanlab oladi va aynan o'sha juftlik o'smirlar Olimpiadasida yurtimiz sharafini himoya qiladi.

Milliy olimpiya qo'mitasi shuni malum qiladiki, ayni paytda III yozgi o'smirlar Olimpiya o'yinlariga 13 nafar o'zbekistonlik sportchi 11 ta licenziya qo'lga kiritgan. (Akademik eshkak eshish va sport akrobatikasida 2 kishilik juftlikka bittadan licenziya berilgan.)

Hozirgi paytga qadar delegaciyamiz hisobidagi licenziyalar soni quyidagicha ko'rinish olgan:

Og'ir atletika – 3 ta
Baydarka va kanoeda eshkak eshish – 3 ta
Akademik eshkak eshish – 2 ta
Ot sporti (konkur) – 1 ta
Taekvondo – 1 ta
Sport akrobatikasi – 1 ta