O'zbekistonlik MMA jangchisi Firdavs Hasanov UFC'ga o'tyaptimi? Bu haqda jangchimizning o'zidan batafsil javob oldik

Avvalroq, Firdavs 2024 yil 4 fevral kuni Las-Vegasda o'tadigan UFC turniri doirasida raqibi jarohat olgan qozog'istonlik Azat Maksum bilan zaxira jangchisi sifatida jang qilish istagini bilridib, Dana Uayt va boshqalarga murojaat qilgan edi.

Hasanov Olamsport.com muxbiri bilan suhbatda muzokaralar jarayoni ketayotganini malum qildi:

"Hozirda menejerlerimiz bu ish bo'yicha harakat qilishyapti. UFC agar Maksumga o'z ligasidan raqib topa olmasa, In SHa Alloh men bu jangga chiqaman. Agarda, bu jang tashkillashtirilmagan taqdirda, 2024 yilda albatta UFC'da jang qilaman",- dedi hamyurtimiz.

Malumot uchun, Firdavs Hasanov o'rta vazn toifasidagi UFC jangchimiz Nursulton Ro'ziboevning jamoadoshi hisoblanadi. U Ali Abdel-Aziz rahbarlik qiluvchi Dominance MMA menejerlik kompaniyasi azosi hisoblanadi.