O'zbekistonlik xokkeychilar Dubaydagi xalqaro turnir g'olibi!

Ushbu turnirda dunyoning 23ta mamlakatidan tashrif buyurgan jamoalar ishtirok etdi. Mazkur bellashuvlarda Toshkentning "Binokor" jamoasi yurtimiz sharafini himoya qildi.

Hamyurtlarimiz guruh bosqichida SHveciyaning "Swedish Vikings" jamoasini 7:2, Rossiyaning "Moscow Penguings" jamoasini 5:1 hisobida mag'lubiyatga uchratishdi. Finlyandiyaning "Lions" jamoasi bilan esa 1:1 hisobidagi durang qayd etildi.

Yarim final bosqichida Rossiyaning "Vivaster" jamoasi 5:0 hisobida taslim etildi. Hal qiluvchi final uchrashuvida esa yana o'sha "Moscow Penguings" jamoasi xokkeychilarimizga to'qnash keldi va yakunda vakillarimiz 3:1 hisobida g'alaba qozonib, musobaqa bosh sovrinini qo'lga kiritdilar.

Olamsport.com sayti "Binokor" jamoasini ushbu muvaffaqiyat bilan tabriklab qoladi va jamoaga kelgusi faoliyatida omadlar tilaydi.

"Binokor" jamoasi

"Binokor" bosh murabbiyi Alisher Azimov