O'zbekistonlik yana bir tajribali dzyudochi Parij Olimpiadasidan so'ng professional faoliyatini yakunlaganini elon qildi

Kuni kecha yana bir tajribali sportchimiz SHarofiddin Boltaboev ham Parijdagi musobaqa u uchun so'nggisi bo'lganini malum qildi.

"Alhamdulillah, Parij Olimpiadasini ham tugatdim. Hozirda juda ham og'ir kunlarni, stressni boshimdan o'tkazyapman, sababi 25 yillik  mehnatlarim va orzularimdan voz kechyapman! 4 yoshimdan shu sportni boshlaganman. Har bir ishimda  faqat shu sport bilan bo'lganman, bir kun ham tashlab ketmaganman. 11 yil uzluksiz terma jamoada yurtim uchun tatamiga chiqdim. Hech qachon yurtimni or nomusini sotmadim! Men uchun to'g'risi juda ham og'ir qarorni qabul qildim. SHu to'g'ri tanlov deb o'ylayman va meni qarorimni hurmat bilan, to'g'ri tushunasizlar degan umiddaman. Men o'z sport faoliyatimni yakunladim, hammasi uchun sizlarga katta rahmat. Sizlarni bir xafa qildim, bir xursand qildim, rozi bo'lasizlar. Olimpiada medalini olib kelaman deb harakat qildim, lekin taqdirimga yozilmagan ekan. Alloh eng yaxshisini bilguvchi. Men 29 yoshga to'ldim. O'zimga mos ish nasib qilishiga ishonaman. Sog' salomat bo'linglar", deb yozdi Boltaboev.

SHarofiddin Boltaboev bir qancha "Katta dubulg'a" va Gran-pri turkumidagi musobaqalarning g'olib va sovrindori, uch karra Osiyo chempionati sovrindori hisoblanadi.