02 noy 19:38
Yangiliklar

Tennis

Parij "Masters". 19 ta eys Gurkachni 1/8 finalga olib chiqdi

Dunyoning o'n birinchi raketkasi Xubert Gurkach Parij "Masters" turniri nimchorak final ishtirokchisiga aylandi.

Polshalik tennischi ikkinchi davrada ATP reytingida 66-pog'onada borayotgan ispaniyalik Roberto Bautista-Agutdan ortiqcha qiyinchiliksiz ustun keldi - 6/3, 6/2. Bu bilan Xubert tennischilarning o'zaro uchrashuvlaridagi hisobni minimal darajagacha qisqartirdi - 2:3.

Bor yo'g'i 56 daqiqa davom etgan bahsda Gurkach 19 ta, Bautista-Agut 1 ta eys zarbasini amalga oshirgan. Xubert endi nimchorak finalda argentinalik Francisko CHerundologa qarshi kortga chiqadi. CHerundolo norvegiyalik Kasper Ruudni mag'lub etishni uddalagan.