Parij "Masters". Jokovich 1,5 oydan so'ng g'alaba bilan qaytdi

Dunyoning birinchi raketkasi Novak Jokovich musobaqadagi ishtirokini g'alaba bilan boshlab oldi. Serbiyalik tennischi ikkinchi davrada argentinalik Tomas Martin Etcheverrini 6/3, 6/2 hisobida mag'lubiyatga uchratdi. Bu tennischilarning o'zaro ikkinchi uchrashuvi edi - 2:0.

Sakson to'rt daqiqa davom etgan bahsda Jokovich 6, Etcheverri 5 ta eys zarbasini amalga oshirgan. Novak 3 ta breyk qayd etib, xuddi shuncha qo'shxatoga yo'l qo'ydi. Jokovich bir yarim oylik tanaffusdan so'ng kortga qaytib, Rolex Paris Masters turniridagi ishtirokini g'alaba bilan boshladi. Endi u niderlandiyalik Tallon Grikspurga qarshi kortga chiqadi.