Qamashi tumanida sport bayrami

Davlatimiz rahbarining 2022 yil 11 apreldagi "Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari to'g'risida"gi PQ–201-son qarorlarida belgilab berilgan vazifalarning ijrosini taminlash maqsadida "Besh tashabbus olimpiadasi"ning mavsumiy bosqichlarida minglab yoshlar mahorat va iqtidorlarini namoyish etmoqda. Asosiysi, jismoniy tarbiya va sportga bo'lgan ommaviylik oshyapti. 

Mazkur "Besh tashabbus olimpiadasi"ning joriy yilgi birinchi mavsumi yani, ko'chalararo mahalla musobaqalari bosqichi boshlanmoqda. 

Xususan, Qashqadaryo viloyatining Qamashi tumani markazidagi 2-sonli sport maktabida ham "Besh tashabbus olimpiadasi"ga start berilishi hamda mart oyidan maktab o'quvchilari o'rtasida viloyat hokimi kubogi uchun "Maktablar ligasi" sport musobaqasining sektor bosqichi boshlanishi munosabati bilan tantanali ochilish marosimi tashkil etildi.

Qashqadaryo viloyat sport boshqarmasi, Qamashi tuman hokimligi, Yoshlar ishlari agentligi tuman bo'limi, tuman maktabgacha va maktab talimi bo'limi, tuman birinchi va 2-sonli sport maktabi hamda boshqa masul tashkilotlar hamkorligida o'tkazilgan ushbu tadbirda 400 nafardan ortiq o'g'il-qizlar ishtirok etishdi.

Tadbirning tantanali ochilish marosimida so'z olgan Qamashi tumani hokimi Xurshid Usmonov hamda 2-sonli sport maktabi direktori SHerbek Soatov "Besh tashabbus olimpiadasi" bellashuvlari boshlanishi bilan barchani qutlab, ishtirokchilarga omad tilashdi. 

SHundan so'ng, sport maktabi tarbiyalanuvchilari hamda tumandagi ko'plab mahalla yoshlari ishtirokida futbol, stol tennisi, armrestling, voleybol, shaxmat, kurash kabi sport turlari bo'yicha o'zaro bellashuvlar tashkil etildi.

Sport maktabi direktori SHerbek Soatovning takidlashicha, "Besh tashabbus olimpiadasi" doirasidagi sport turlari bo'yicha bellashuvlar belgilangan dastur-rejaga muvofiq, boqichma-bosqich yil davomida o'tkaziladi va buning uchun etarlicha shart-sharoitlar mavjud.

Ilhom RAHMONOV tayyorladi