Qamashida karate WKF sport turi bo'yicha musobaqa o'tkazildi FOTOGALEREYA

Mazkur musobaqada sport maktabining karate WKF sport turi tarbiyalanuvchilaridan iborat 6 yosh toifasida 9 ta vazn bo'yicha 50 nafar yaqin yosh sportchilar muxlislarsiz o'tgan ichki birinchilikda tatamida o'z mahoratlarini sinovdan o'tkazishdi.

- Musobaqadan ko'zlangan maqsad - sportchi yoshlarni tatil kunlarini mazmunli o'tkazish, sog'lom turmush tarzini shakllantirish va targ'ib qilish, sport maktab tarbiyalanuvchilarining mazkur sport turiga bo'lgan qiziqishlarini oshirish maqsadida rag'batlantirish hamda ularni faoliyatini har tomonlama qo'llab-quvvatlashdan iborat, - deydi sport maktabi direktori SHerbek Soatov.

"Mamlakatimizda o'smirlar va yoshlarning sport bilan muntazam shug'ullanishi uchun yaratilayotgan sharoitlar jismonan sog'lom, manan etuk farzandlarni tarbiyalashda yuksak samara bermoqda", - deydi sport maktabi yo'riqchi-uslubchisi Abdilaziz Xursanov.

- Biz erishayotgan bunday muvaffqiyatlar zamirida yoshlar uchun yaratib berilayotgan keng sharoit va imkoniyatlar mujassam. Sportni rivojlantirishga qaratilayotgan doimiy etibor natijasida bizning Qamashi tuman 2-sonli bolalar-o'smirlar sport maktabida ham ko'plab chempionlar etishib chiqmoqda, yosh iqtidorli sportchilar mamlakatimiz dovrug'ini butun dunyoga tanitmoqda.

Qiziqarli musobaqa so'ngida g'olib va sovrindorlar 2-sonli bolalar-o'smirlar sport maktabi mamuriyati tomonidan diplom, medal va esdalik sovg'alari bilan taqdirlandi.

F.CHoriev, Qamashi tuman 2-BO'SM katta yo'riqchi-uslubchisi