Qatar "Masters". SHarofiddin va Hikmatulloh kuchli raqiblarini engishdi

Biroz avval Hikmatulloh To'raev hamyurtlarimizning bugungi ishtirokini muvaffaqiyatli boshlab berdi. 

-73 kg vazn toifasidagi dzyudochimiz birinchi bosqichda Birlashgan Arab Amirliklari vakili Viktor Skvorcovni vazari bahosi evaziga mag'lubiyatga uchratdi. Endi Surxon o'g'loni ikkinchi davrada mo'g'ulistonlik Tsogbaatar Tsend-Ochirga qarshi tatamiga chiqadi. Mo'g'ul dzyudochisi ilk davrada germaniyalik Entoni Zinggdan ustun keldi.   

-81 kg vazn toifasidagi dzyudochimiz SHarofiddin Boltaboev ham Qatar "Masters" turniridagi ishtirokini g'alaba bilan boshladi.

Qoraqalpog'istonlik dzyudochimiz ishtirokini to'g'ridan-to'g'ri ikkinchi bosqichdan boshladi va unda qozog'istonlik kuchli raqibi Didar Hamzani vazari bahosi evaziga mag'lubiyatga uchrata oldi. Birozdan so'ng SHarofiddin nimchorak final bellashuvida mo'g'ulistonlik Uuganbaatar Otgonbaatarga qarshi bahs olib boradi. Bu mo'g'ul dzyudochisi avvaliga rossiyalik jahon chempioni Xasan Xalmurzaevni, keyin esa kanadalik Entoni Valois-Fortierni taslim etdi.